1 СӘУІРДЕ БІРІНШІ СЫНЫПҚА ҚҰЖАТТАРДЫ ҚАБЫЛДАУ БАСТАЛАДЫ

2025-2026 оқу жылына оқушыларды 1 сыныпқа қабылдау күнтізбелік жылдың 1 сәуірінде басталып, 31 тамызда аяқталады. «Бірінші сыныпқа қабылдау» мемлекеттік қызметі бойынша өтініштер «Электронды үкімет» порталы арқылы қабылданып, өтініштер қызмет берушілермен «ҚР ОМ Мемлекеттік қызметтерін автоматтандыру» ақпаратық жүйесі арқылы орындалады.

Балаларды мектепке қабылдау тәртібі 2018 жылғы 12 қазандағы № 564 бұйрықпен бекітілген Үлгілік қағидаларда айқындалған.
Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері жөніндегі Заңына сәйкес лицейлер мен гимназияларға бірінші сыныпқа қабылдау кезінде емтихан өткізуге тыйым салатын ереже енгізілді. Барлық балалар, дайындық деңгейіне қарамастан, тең мүмкіндіктерге ие болады.

Өтінішті ата-аналардан қабылдау екі тәсілде жүзеге асырылуда:
1) egov.kz электронды үкімет порталы арқылы(басымдық беріледі);
2) қағаз түрінде;
Өтініш бір жұмыс күні ішінде қарастырылады.

Қажетті құжаттар тізімі:
> ата-ананың өтініші;
> баланың туу туралы куәлігінің көшірмесі;
> 065/у нысаны бойынша денсаулық жағдайы туралы құжат;
> баланың 3х4 көлеміндегі 2 фотосуреті.
> «Бала денсаулығының паспорты» 052-2/у нысанды анықтама. Денсаулық сақтау министрлігінің мәлеметі бойынша, биылғы жылдан бастап «Бала денсаулығының паспортыy» ақылы түрде сатып алудың қажеті жоқ. Баланың денсаулық паспортын баланың тіркелген жері бойынша емханалар мөрі бар анықтама түрінде тегін беретін болады.

Сонымен қатар, білім беру ұйымдарына артық құжаттарды, оның ішінде «Баланың туу туралы куәлігін» талап етуге тыйым салынғанын хабарлаймыз.

Ата-аналардан құжаттар мектептің қызмет көрсету аумағынан алғашқы 3 өтініш берушіден, одан кейін басқа шағын учаскеден 1 өтініш берушіден (3:1 қағидаты бойынша) қабылданады.

Ағымдағы жылда Оқу-ағарту министрлігімен egov.kz «электрондық үкіметтің» веб-порталы арқылы мемлекеттік қызметтің бизнес-процесі жаңартылды:
• микроучаскеге байланысты автоматты түрде мектепті таңдау қарастырылған. (Білім беру ұйымына қызмет ету аумағы республикалық маңызы бар қалалардың, астананың, аудандардың (облыстық маңызы бар қалалардың) білім беруді басқару органдарының бұйрығымен бекітіледі);
• сынып жинағы автоматты түрде қалыптасады;
• білім беру ұйымымен келісім-шарт «электрондық үкімет» порталы арқылы электрондық форматта жасалатын болады (бірінші сыныпқа қабылдау туралы бұйрықтан кейін ата-анаға білім беру ұйымымен отыруға келісім-шартқа танысу және қол қою үшін СМС хабарлама келеді. Білім беру ұйымы бірінші сыныпқа қабылдау туралы бұйрықты ағымдағы жылғы 25 тамыздан кейін шығарады).

ҚҰРМЕТТІ АТА-АНАЛАР! Бала үшін маңызды сәтте қолдау жасап, ата-ана мен ұстаздар қауымын өз міндеттерін жауапкершілікпен атқаруға шақырамыз. Білім аламын деген әр бала назардан тыс қалмасын, олардың конституциялық құқығы қорғалсын. Мектепте өз-өзіне қызмет көрсету бұрышы жұмыс жасайды.

Өзіне-өзі қызмет көрсету бұрыштарында кез-келген азамат өздігінен ақпарат ала алады.«Egov.kz» электронды веб-порталы арқылы электронды қызметтерді алу бойынша, жауапты маман көмек көрсететін болады.

 М.Әуезов атындағы орта мектебі .Мектептің мекен жайы:  Төле би ауылы. Егемберді көшесі 21

тел: 8(72638)3-13-34